�ֲ���ý

Cyfle i astudio Ysgrifennu Creadigol ar lefel ôl-radd mewn amgylchedd cefnogol sy'n seiliedig ar ymchwil. Byddi'n dysgu am amrywiaeth o ffurfiau a genres, a all gynnwys ffuglen, barddoniaeth, ysgrifennu ffeithiol greadigol ac ysgrifennu arbrofol, a datblygu dy lais a'th ymarfer unigryw dy hun.

Bydd dy ysgrifennu'n cael ei fireinio trwy weithdai a seminarau sy'n annog ymarfer creadigol annibynnol ac adfyfyrio beirniadol.

Ym Mangor, mae astudiaeth feirniadol a chyd-destunol yn sail i Ysgrifennu Creadigol. Byddi'n dysgu adfyfyrio ar dy waith dy hun, yn ymgysylltu ag ysgrifennu cyfoes a thraddodiadau llenyddol ac yn dod i ddeall sut mae cyd-destunau diwylliannol, hanesyddol a damcaniaethol yn dylanwadu ar destunau creadigol.

Mae'r cydbwysedd hwn o ymarfer a dadansoddi yn dy helpu i ddatblygu fel awdur hyderus, adfyfyriol, gyda synnwyr cryf o bwrpas a chyfeiriad.

Mae Prifysgol Bangor yn cynnig lleoliad unigryw i astudiaethau creadigol. Mae'r brifysgol wedi'i hamgylchynu gan dirweddau arfordirol a mynyddig godidog sy'n darparu lle sy'n dy gymell i fyfyrio a chanolbwyntio.

Byddi'n astudio ym Mhrif Adeilad y Celfyddydau, adeilad rhestredig Gradd I sy'n adlewyrchu traddodiad cryf y dyniaethau ym Mhrifysgol Bangor. Ynghyd â'r lleoliad hanesyddol hwn, byddi'n elwa o fannau dysgu modern sy'n cefnogi gwaith creadigol a chydweithredol.

Fel myfyriwr Ysgrifennu Creadigol ym Mangor, byddi'n ymuno â chymuned glos ac anogol o awduron. Mae'r gweithdai wedi'u cynllunio i fod yn adeiladol ac yn gefnogol, gan dy helpu i rannu gwaith, cyfnewid syniadau a datblygu hyder yn dy ysgrifennu.

Byddi'n cael dy arwain gan staff academaidd sy'n awduron ac ymchwilwyr profiadol, a fydd yn cynnig adborth arbenigol a goruchwyliaeth wrth i ti ddatblygu dy yrfa greadigol.