Ysgoloriaethau Mynediad Prifysgol Bangor

�ֲ��ý

Fel rhan o gynllun Ysgoloriaethau Mynediad Bangor, mae oddeutu 10 Ysgoloriaeth o hyd at £5,000 yr un ar gael i'r rheini sy'n rhagori yn arholiadau Ysgoloriaethau Mynediad blynyddol y Brifysgol.

I gael eich ystyried ar gyfer ysgoloriaeth, mae rhaid i chi:

lenwi ffurflen gais yr Ysgoloriaethau Mynediad, ceisiadau yn agor Dydd Mercher, 14 Hydref 2026 (dyddiad cau Dydd Iau, 14 Ionawr 2027)
sefyll arholiad mewn pwnc sy’n cyd-fynd â, neu sy’n berthnasol i’r gradd rydych yn bwriadu ei astudio. (Bydd yr arholiadau'n cael eu cynnal yn eich ysgol/coleg: Dydd Mercher 24 Chwefror 2027).

Pynciau Ysgoloriaeth Mynediad

Bydd rhaid i chi sefyll arholiad mewn pwnc sy’n cyd-fynd â, neu sy’n berthnasol i’r gradd rydych yn bwriadu ei astudio.

Astudiaethau Busnes
Astudiaethau'r Cyfryngau
Athroniaeth, Moeseg a Chrefydd
Bioleg
Cerddoriaeth
Cyfrifiadureg
Cymdeithaseg
Cymraeg (fel Iaith Gyntaf neu Ail Iaith)
Daearyddiaeth
Drama
Dylunio a Thechnoleg
Economeg
Electroneg
Ffrangeg
Ffiseg
Gwyddorau Chwaraeon ac Ymarfer
Hanes
Iaith Saesneg
Iechyd a Gofal Cymdeithasol
Llenyddiaeth Saesneg
Mathemateg
Sbaeneg
Seicoleg
Troseddeg
Y Gyfraith

Bydd yr ymgeiswyr llwyddiannus yn derbyn yr Ysgoloriaeth Mynediad yn y flwyddyn gyntaf gyda’r wobr yn cael ei thalu ar ddiwedd mis Tachwedd.

Ysgoloriaethau Mynediad sydd ar gael

YSGOLORIAETHAU DR. WILLIAM JONES WILLIAMS (£1500)*

Cafodd y Dr. William Jones Williams (1841-1920) yrfa lwyddiannus fel Meddyg yng Ngogledd Swydd Gaerefrog. Brodor o Dremadog ydoedd, ac fe'i cofir fel un o gymwynaswyr mwyaf hael y Brifysgol. Y mae dwy ysgoloriaeth yn dwyn ei enw, y naill yn gwbl agored a'r llall yn gyfyngedig i ymgeiswyr sy'n frodorion o Gymru ac a addysgwyd mewn ysgol uwchradd yng Nghymru.

YSGOLORIAETH DR. E.T. DAVIES (£1500)*

Sefydlwyd yn 1962 yn unol ag ewyllys y Dr. E.T. Davies, Lerpwl, ac y mae'n agored i ymgeiswyr sy'n frodorion o Gymru ac a addysgwyd mewn ysgol uwchradd yng Nghymru.

YSGOLORIAETH JOHN HUGHES (£1500)*

Sefydlwyd yn 1906 yn unol ag ewyllys yn Henadur John Hughes Y.H., Lerpwl ac y mae'n agored i ymgeiswyr a anwyd yn siroedd Môn, Conwy a Gwynedd neu sy'n byw yn y siroedd hynny.

YSGOLORIAETH RICHARD HUGHES (£1500)*

Sefydlwyd yn 1904 yn unol ag ewyllys Richard Hughes, o Lanfwrog, Ynys Môn, ac y mae'n agored i ymgeiswyr a anwyd yn siroedd Môn, Conwy a Gwynedd neu sy'n byw yn y siroedd hynny.

YSGOLORIAETH THOMAS HUGHES (£1500)*

Sefydlwyd yn 1973 yn unol ag ewyllys Thomas Hughes o'r Fali, Ynys Môn, ac y mae'n agored i ymgeiswyr a anwyd yn siroedd Môn, Conwy a Gwynedd neu sy'n byw yn y siroedd hynny.

YSGOLORIAETH WILLIAM PRITCHARD (£1500)*

Cynigir er cof am y diweddar William Pritchard, ac y mae'n agored i ymgeiswyr a anwyd yn siroedd Môn, Conwy a Gwynedd neu sy'n byw yn y siroedd hynny.

YSGOLORIAETH Y FONESIG GLADSTONE (£1500)*

Cynigir er cof am y Fonesig Gladstone o Benarlaˆg, aelod o Gyngor y Coleg a fu farw yn 1941. Y mae'r ysgoloriaeth yn agored i ymgeiswyr a anwyd yn siroedd Conwy, Dinbych, Fflint a Wrecsam Maelor neu sy'n byw yn y siroedd hynny.

YSGOLORIAETH PIERCY (£1500)*

Sefydlwyd yn 1908 yn unol ag ewyllys Benjamin Piercy o Wrecsam ac y mae'n agored i ymgeiswyr a anwyd yn siroedd Conwy, Dinbych, Fflint a Wrecsam Maelor neu sy'n byw yn y siroedd hynny.

YSGOLORIAETH ANNA BOYD (£300)*

Sefydlwyd yn 1938 yn unol ag ewyllys Miss Anna Frances Elizabeth Boyd o Cheltenham ac y mae'n agored i ymgeiswyr sy'n gyn-ddisgyblion yn Ysgol Eifionydd, Porthmadog. Rhoddir blaenoriaeth i ymgeiswyr o Gricieth.

YSGOLORIAETH GOFFA ROSA HOVEY (£1,500)*

Darperir yr ysgoloriaeth yma o incwm rhodd a wnaed i Brifysgol Cymru yn Hydref 1934, ac Ionawr 1949, gan y ddiweddar Miss Ethel M Hovey, Bae Colwyn. Mae’r wobr yn agored i ferched sydd wedi derbyn eu haddysg uwchradd yng Ngogledd Cymru. Rhoddir blaenoriaeth i fyfyrwyr o fwrdeistref bresennol Colwyn neu'r ardaloedd cyfagos. Wedi hynny, mae'r wobr yn cael ei hagor i ymgeiswyr o hen siroedd Caernarfon neu Sir Ddinbych ac yna Gogledd Cymru gyfan.

* Nid yw'r ysgoloriaethau a nodir â seren yn cael eu cynnig bob blwyddyn.

Ysgoloriaeth	Swm	Gofynion
Bae Colwyn	£1,500	Ymgeiswyr o Fae Colwyn, Llanelwy ac Hen-Golwyn

Ysgoloriaeth	Swm	Gofynion
Ysgoloriaeth Ysgol y Gyfraith	£3000	Ymgeiswyr sy'n dymuno astudio unrhyw gwrs gradd israddedig yn Ysgol y Gyfraith.
Ysgoloriaeth Cronfa'r Normal	£500	Ymgeiswyr sy'n dymuno astudio cwrs israddeig yn yr Ysgol Addysg.
Ysgoloriaethau'r Ysgol Cyfrifiadureg a Pheirianneg Electronig	£1500	Mae'r Ysgol Cyfrifiadureg a Pheirianneg Electronig yn cynnig tair ysgoloriaeth i rai sy'n dymuno dilyn unrhyw gwrs gradd israddedig yn yr Ysgol. Mae'r Ysgoloriaethau'n werth £1500 ac fe'i delir yn llawn yn y flwyddyn gyntaf.
Ysgoloriaethau'r Coleg Cymraeg Cenedlaethol	£3000 dros dair blynedd	Mae'r Coleg yn cynnig ysgoloriaethau gwerth £1000 y flwyddyn (£3000 dros dair blynedd) ar gyfer cyrsiau gradd lle bydd myfyrwyr yn dilyn 240 credyd neu fwy trwy gyfrwng y Gymraeg. > I ymgeisio ar gyfer un o'r Ysgoloriaethau hyn ym Mangor, mae gofyn i chi sefyll ein arholiad Ysgoloriaethau Mynediad.
Bwrsariaeth y Teulu Glynne (Adran y Gymraeg ac Astudiaethau Celtaidd) Mynediad 2023		Mae Adran y Gymraeg ac Astudiaethau Celtaidd ym Mhrifysgol Bangor yn falch o allu cynnig y bwrsariaethau canlynol i gefnogi myfyrwyr sy’n astudio’r Gymraeg fel rhan o radd sengl, gradd gyda phwnc arall, neu radd gydanrhydedd. Cewch ragor o wybodaeth yma.

�ֲ��ý

Chwilio